Edo: Të fokusohemi në Superligë dhe Kupë

Kapiteni i ekipit kampion, Edmond Azemi, në prononcimin e tij pas fitores së Sigal Prishtinës ndaj Bashkimit ka thënë se ekipi e meritoi fitoren për shkak të mbrojtjes në pjesë të dytë, ndërsa ka shtuar se ekipi tash duhet të fokusohet në garat vendore.

“Tash duhet të fokusohemi në Superligë të Kosovës dhe në Kupë, ndërsa këtë fitore do ta përdorim si motivim për ndeshjet e radhës. Merituam fitoren për shkak të mbrojtjes agresive në pjesë të dytë, edhepse lejuam që mysafirët të na ikin shumë në pjesë të parë,” ka thënë kapiteni i Sigal Prishtinës, Edmond Azemi pas ndeshjes.

Azemi kontribuoi me 14 pikë, 2 kërcime e 2 asistime në fitoren e parë të Sigal Prishtinës për vitin 2017.