SHQIP NË BOTË
Edon Maxhuni shkëlqen në finale, Pärnu shpallet nënkampion
18 May, 2021 @8:06
Skuadra estoneze Pärnu, ku aktivizohet Edon Maxhuni, ka arritur të shpallet nënkampione e shtetit në fjalë, pasi që në serinë finale u mposht 3-1 nga skuadra BC Kalev/Cramo.
Në ndeshjen e fundit të serisë, Edon Maxhuni ishte më i dalluari në humbjen e skuadrës.
Takimin Pärnu e humbi me rezultat 70-96, kurse fundori me prejardhje kosovare luajti me 26 pikë, 5 asistime e 4 kërcime. 24 prej totalit të pikëve ai i shënoi në pjesën e parë.
Ndeshjen më të mirë personale për skuadrën e Pärnus, Maxhuni e luajti në ndeshjen e dytë të serisë finale, në të cilën shënoi plot 34 pikë, si dhe pati edhe 5 asistime e 3 kërcime, por edhe aty Pärnu pësoi disfatë.
