LILLE ELIMINON FENERBAHÇEN
Edon Zhegrova me Lille-in kualifikohen dhe shpresojnë në Ligë të Kampionëve
13 August, 2024 @22:13
Futbollisti i Kosovës, Edon Zhegrova, është paraqitur si zëvendësues sot për ekipin e tij Lille, që me barazim pas vazhdimeve në Stamboll ndaj Fenerbahçes, ka siguruar kualifikimin tutje në rrugëtimin e tyre për Ligë të Kampionëve.
Ndeshja përfundoi 1-1 sonte pas vazhdimeve, ndërsa fitorja e Lille-it në shtëpi 2-1 me golin e vonshëm të shënuar nga Zhegrova javë më parë u tregua vendimtare për kualifikimin e ekipit francez tutje.
Lille tani pret kundërshtarin e playoffit, për testin e fundit drejt Ligës së Kampionëve me sistemin e ri garues.
