Ekipi i ri malazez, pjesëmarrës në BIBL

Ekipi i ri basketbollistik malazez, KK Milenijum, është raportuar si ekip i ri pjesëmarrës në BIBL për edicionin 2022/23.

Ekipi nga Podgorica dy stinorë më parë kishte fituar kategorinë e dytë të basketbollit malazez për tu bërë pjesë e Erste Liga 21/22.

Ata përfunduan si të tetit në stinorin e parë të tyre në elitë, ndërsa tashmë ata kanë nisur përgatitjet për edicionin e ri të garave.

BIBL ka prezantuar edhe disa ekipe pjesëmarrëse përgjatë muajit të kaluar, ndërsa nga Kosova deri tash ka prezantuar vetëm KB Bashkimin, ku këta të fundit nuk kanë dhënë asnjë njoftim për pjesëmarrje ose jo në garat e edicionit 2022/23 në këtë ligë, ku njëherë kanë arritur finalen e garës.