EUROLEAGUE: REAL - BARCA
‘El Clasico’ i takon Realit
22 March, 2017 @22:47
Me fitoren e Realit u mbyll ‘El Clasico’ i basketbollit në kuadër të Euroleagues.
I udhëhequr nga Sergio Llull dhe Gustavo Ayon, Real Madridi arriti ta mposht rivalin e përbetur me rezultat 85-69, derisa diferenca në rezultat për vendasit u bë në dy çerekët e parë, e më pas një rikthim i mundshëm i Barcelonës u bë i pamundur, përkundër tentimeve në pjesën e dytë të lojës.
Më i dalluari për madrilenët ishte Sergio Llull me 21 pikë, 3 kërcime e 6 asistime, kurse te Barcelona u veçuan Tyrese Rice dhe Ante Tomic me nga 12 pikë secili.
Kjo fitore e mban në krye Real Madridin, derisa te Barcelona gjasat për play-off janë shuar.
