TRANSFER
Erris Nushi duke e përfaqësuar ekipin e të rinjëve të Turqisë
Erris Nushi zyrtarisht i Pejës
31 January, 2014 @16:12
Basketbollisti i cili ishte pjesë e skuadrës RTV 21 gjatë stinorit vjeshtor, Erris Nushi, i është bashkuar skuadrës verdhezi nga Peja.
Talenti 18 vjeçar në ekipin e teleboysave ishte transferuar në fillim të këtij edicioni dhe me paraqitjet e mira kishte arritur që zë vend edhe në pesëshen e parë të ekipit prishtinas.
Nushi para skuadrës RTV 21, më parë ka luajtur në Turqi për skuadrat Bandirma Kirmizi dhe Banvit, ku te kjo e fundit tashmë është duke u angazhuar basketbollisti i mirënjohur shqiptar, Ermal Kuqo.
Errisi është përforcimi i parë i Pejës për afatin kalimtar të janarit, i cili me vendimin e sotëm nga FBK-ja është shtyrë edhe për 24 orë të tjera.
