Performanca kundër Prishtinës, më e mira e javës

Performanca prej 23 pikëve, 17 kërcime, 4 asistime dhe 3 topave të vjedhur e amerikanit të Balkanit, Noah Dahlman, e bëri atë basketbollistin më të mirë të javës që e lëmë pas në Balkan League.

Dahlman këto statistika i arriti në ndeshjen kundër Sigal Prishtinës, të cilën e fitoi skuadra e tij me rezultat 85-77.

Kontributi i dytë më i madh i kësaj jave erdhi nga një tjetër basketbollist i Balkanit,  Stanimir Marinov, i cili ishte fare pranë shifrave tripple-double duke luajtur me 18 pikë, 11 asistime dhe 8 kërcime.

Në të tretin u radhit amerikani i Galil Gilboas, DeShawn Sims, i cili në ndeshjen kundër skuadrës Craiova nga Rumania, kishte 25 pikë, 6 kërcime dhe 3 asistime.

Prishtina me tre lojtarë në TOP 10

Nga Sigal Prishtina në TOP 10-she zurën vend tre basketbollistë. Më së larti u radhit plejmekeri amerikan Kendrick Jones, i cili me 19 pikë, 4 kërcime dhe 2 asistime u bë basketbollisti i shtatë që kontribuoi më së shumti në skuadrën përkatëse këtë javë.

Pas Jonesit u radhitën edhe K’Zell Wesson dhe Dardan Berisha, megjithëse kontributi i tyre mbeti i pamjaftueshëm për t’u kthyer skuadra e tyre në shtëpi me fitore.

Skuadra tjetër kosovare, Peja, këtë javë nuk kishte asnjë lojtar në TOP 10 performancat më të mira të javës për shkak se verdhezinjtë këtë xhiro e kaluan pa zhvilluar ndeshje.

Që të dy ekipet kosovare ndeshjet e ardhshme në Balkan League do t’i luajnë më 5 shkurt, ku Peja do të jetë mysafire e Levskit, ndërsa Sigal Prishtina do ta pret kampionin aktual të kësaj lige, Galil Gilboa.

Tabela aktuale në BIBL.

TOP 10 performuesit e javës në Balkan League