Ethet e basketbollit nisin në Pejë, me Superkupën

Ethet e basketbollit para fillimit të Superligës, do të nisin në Pejë me përballjen Sigal Prishtina - Peja, pasi që FBK sot edhe zyrtarisht ka përcaktuar Pejën organizatore të ndeshjes. 

Sigal Prishtina si kampione e Kosovës dhe Peja si fituese e Kupës së Kosovës do të përballen në Karagaçin e nxehtë, në uverturën parasezonale, të shtunën më 26 shtator me fillim prej orës 20:10. 

Peja këtë stinor udhëhiqet nga i rikthyeri Danijel Lutz, derisa Sigal Prishtina ka vazhduar me Marjan Ilievskin. 

Dy Superkupat e fundit, i ka fituar Sigal Prishtina.