FBK emëron selektorët e gjeneratave të reja

Në një mbledhje të Bordit të FBK-së të mbajtur sot, është vendosur për trajnerët e rinj të përfaqësueseve përkatëse.

Kështu, Mark Rodiqi është emëruar trajner i Kosovës U20 te meshkujt, ndërsa Bekim Maxhuni do të drejtojë grupmposhat U18 të meshkujve.

Sa i përket atyre U16, do të kenë në krye trajnerin Dritëro Sefaja.

Te femrat, Kosova U20 do të ketë për herë të parë një trajner të huaj, selektor i të cilave është emëruar Furkan Saglik, që aktualisht drejton edhe ekipin e femrave të Bashkimit.

Kosovën U16 te femrat do ta drejtojë Edin Kërveshi, që njëkohësisht është edhe ndihmës-trajner i KB Prizrenit.