MALCOLM THOMAS
Fenerbahçe përforcon trapezin
23 December, 2019 @20:05
Njëra ndër skuadrat më në formë në 5 vitet e fundit në Euroleague, Fenerbahçe, sezonin 2019/20 e nisi larg performancës që e kishte.
Në pesë vitet e fundit, Feneri ishte skuadra e pandryshueshme në Final Four. Gjatë verës, duke shtuar në skuadër yjet si Nando De Colo, Derrick Williams e Leo Westermann, u bë favoriti kryesor për ta fituar titullin.
Por lëndimet e shumta në skuadër e sidomos në trapez, bënë që të mungojnë rezultatet.
Sot Feneri arriti marrëveshje deri në fund të stinorit me lojtarin Malcolm Thomas, i cili luan në pozitat 4 dhe 5.
Thomas 206 cm i gjatë, së fundi në Evropë ishte pjesë e Khimkit, ku së bashku me skuadrën e tij arriti të hyjë në Play Off të Euroleagues.
Fenerbahçe aktualisht ka bilanc prej 5 fitoreve e 10 humbjeve në Euroleague.
