TEAM OF THE WEEK
TOP 5-shja e javës në Superligë (18)
22 December, 2019 @14:50
TopSporti.com ka zgjedhur më të mirët e xhiros së 18 në Superligën e Kosovës në basketboll.
Ekipin e javës e përbëjnë: Nigel Johnson (Peja), Drilon Hajrizi (Peja), Ty Garland (Feronikeli), Besnik Azemi (Trepça) dhe Fahro Alihodzic (Prishtina).
Peja triumfoi në derbin kundër Rahovecit. Nigel Johnson dhe Drilon Hajrizi ishin më të mirët te skuadra pejane. Johnson luajti me 32 pikë, 8 asistime e 4 topa të rrëmbyer, derisa Hajrizi me 24 pikë, 9 kërcime e 2 asistime.
Befasia e xhiros së fundit të stinorit vjeshtor ndodhi në Prizren. Feronikeli e mposhti Bashkimin pas vazhdimeve, derisa Ty Garland ishte i pakapshëm në këtë ndeshje.
Garland shkëlqeu me 42 pikë, 5 kërcime, 4 asistime e 4 topa të rrëmbyer.
Trepça me ardhjen e trajnerit Neven Plantak, e regjistroi fitoren e dytë rresht. Besnik Azemi ishte më i miri kundër Lipjanit me 15 pikë, 4 asistime e 3 kërcime.
Në duelin në mes të Yllit dhe Prishtinës, fituesi u caktua në minutën e fundit të ndeshjes. Prishtina e mposhti kundërshtarin dhe e mbylli stinorin vjeshtor lidere.
Fahro Alihodzic ishte më i miri te Prishtina me double-double prej 20 pikëve e 18 kërcimeve.
