NË STAMBOLL
Feneri godet kampionin Real Madrid
12 April, 2016 @21:53
Skuadra e drejtuar nga Zeljko Obradovic, Fenerbahçe, ka shënuar fitore të rëndësishme në ndeshjen e parë të Play-Offit të Euroligës.
Kanarinat e Stambollit kanë mposhtur Real Madridin, me rezultat 75-69 për të marrë epërsinë 1-0 në serinë e Play-Offit derisa kërkojnë Final Fourin e dytë me radhë të garës.
Kostas Sloukas dhe Bogdan Bogdanovic kanë qenë më efikasit te Fenerbahçeja sonte, duke shënuar nga 17 pikë secili.
Te Real Madridi më efikasit kanë qenë Sergio Rodriguez dhe Sergio Llull me nga 12 pikë të shënuara.
Përballja e radhës luhet në Stamboll, para se seria të bartet në Madrid.
Në Final Four kualifikohet ekipi që arrin 3 fitore i pari, nga 5 ndeshjet e mundshme.
