GRUPI A: FRANCA - FINLANDA
Finlanda befason Francën pas vazhdimeve
31 August, 2017 @21:19
Një dramë e vërtetë ka ngjarë sonte në Helsinki të Finlandës!
Përfaqësuesja e Francës dhe ajo nikoqire e Finlandës dhuruan një super takim, i cili në fund u mbyll me fitoren e vendasve, fitore e cila mund të cilësohet befasi përkundër faktit që Franca në këtë kampionat është pa yjet nga NBA.
Finlanda zhvilloi një çerek të parë fanatastik, të cilin e mbylli me +8 pikë, ndërsa më pas ndeshja vazhdoi me intensitet tejet të lartë dhe fitues në kohë të rregullt nuk pati. E në vazhdimin prej 5 minutave, më e përqëndruar u tregua përfaqësuesja skandinave, e cila me ndihmën e një publiku fantastik, e arriti befasinë dhe e mposhti Francën me rezultat përfundimtar 86-84.
Më i dalluari në fitoren e Finlandës ishte Lauri Markkanen me 22 pikë, derisa te Franca u veçua paraqitja e Evan Fournier, i cili sonte pati 25 pikë.
