Fitore rutinore për kthjellje

Kapiteni dhe njëherit basketbollisti më me përvojë i ish kampionit Sigal Prishtina, Edmond Azemi, ka shënuar 22 pikë për vetëm 24 minuta e 50 sekonda sa ka qëndruar në fushën e lojës në fitoren 106-65 ndaj Vëllaznimit. 

Ai ka treguar se përkundër të gjitha dridhjeve në shtabin teknik të skuadrës, Prishtina mbetet e fortë. Azemi ka shtuar edhe 7 asistime dhe 5 kërcime në paraqitjen e tij të djeshme ndaj Vëllaznimit të dobët. 

Julian Terrell ka regjistruar double-double prej 19 pikëve dhe 10 kërcimeve, prej të cilave shtatë në mbrojtje. 

Prishtina ka qenë gjatë gjithë kohës në epërsi ndaj Vëllaznimit dhe ndeshja e zhvilluar në Ferizaj (për shkak se Sigal Prishtina është e dënuar me moslojë në terrenin e vetë) ka qenë një rutinë dhe vetëm si kthjellje për ish kampionët, pas humbjes së të gjitha derbive të TOP katërshes në një xhiro që është një e dhënë për historinë e klubit. 

Vëllaznimi që vetëm ndjekte rezultatin, e dinte se nuk kishte gjasa për fitore, por Valon Gashi shënoi 23 herë e Allen Idrizaj 12 tjera për t’u dalluar nga bashkëlojtarët tjerë që nuk arritën ta kalonin as shifrën e dhjetëpikëshit. 

Shikoni tabelën aktuale > http://borozani.com/tabelat/bkt-superliga

BKT SUPERLIGA, XHIROJA XX

Sigal Prishtina - Vëllaznimi

106-65 Rezultati final

(34-16; 64-33; 89-46 dhe 106-65) Rrjedha e rezultatit sipas çerekëve

SIGAL PRISHTINA/ STATISTIKAT

1	Edmond Azemi	22 pikë	7 asistime	5 kërcime
2	Julian Terrell	19 pikë	4 asistime	10 kërcime
3	Fahri Breca	13 pikë	1 asistim	1 top i vjedhur
4	Fisnik Rugova	12 pikë	4 kërcime
5	Akida McLain	10 pikë	2 asistime	4 kërcime
6	Granit Rugova	9 pikë	4 asistime	3 kërcime
7	Adnan Mustafa	8 pikë	1 asistim	2 kërcime
8	Hekuran Binxhija	7 pikë	9 asistime	1 kërcim
9	Besnik Podvorica	6 pikë	1 asistim	6 kërcime
10	Leonard Mekaj	3 asistime	3 topa të vjedhur

VËLLAZNIMI/ STATISTIKAT

1	Valon Gashi	23 pikë	9 kërcime	1 top i vjedhur
2	Allen Idrizaj	12 pikë	7 kërcime	1 top i vjedhur
3	Qëndrim Gashi	8 pikë	6 asistime	2 topa të vjedhur
4	Sami Hajzeraj	7 pikë	1 asistim	5 kërcime
5	Driton Rraci	6 pikë	6 kërcime	2 topa të vjedhur
6	Blendi Kaja	5 pikë	1 asistim	2 kërcime
7	Leutrim Berisha	4 pikë	1 top i vjedhur	1 top i humbur