A po ndahen rrugët?

Humbja e fundit e Sigal Prishtinës ndaj Sigkos Bashkimit në Prizren, mund t’i luajë gurëzit nga vendi te skuadra kryeqytetase.

Sigal Prishtina në pesë xhirot e para të stinorit pranveror ka pësuar 3 humbje, ku humbja në tavolinë ndaj Trepçës ia ka humbur edhe pikën e humbësit prishtinasve.

Forma e keqe bardhekaltërve mund bëjë që të ndahen rrugët me kryetrajnerin Arben Krasniqi, i cili është trajneri më i trofeshëm në Kosovën e pasluftës në basketboll.

Në lidhje me këtë, zëdhënësi i Sigal Prishtinës, Fatos Bajqinovci, ka thënë për Borozani.com se ende asgjë nuk është zyrtare, derisa nuk ka dashur as ta pohojë e as ta mohojë largimin e mundshëm të Krasniqit.

“Asgjë nuk është zyrtare,” ka qenë i shkurtër Bajqinovci në pronocimin e tij për portalin tonë. 

Sigal Prishtina aktualisht gjendet në pozitën e dytë me 33 pikë, duke qenë në përcjellje të afërt nga Sigkos Bashkimi që ka një pikë më pak, derisa liderja, Peja, tani është gati e pa arritshme për prishtinasit, pasi ka 4 pikë më shumë.