FENERBAHCE-BROSE BAMBERG
Fitorja e 22-të në shtëpi për Fenerbahçen
14 October, 2016 @21:20
Para ndeshjes, trajneri i Fenerbahçes, Zeljko Obradovic, kishte thënë se do të jetë një ndeshje e vështirë kundër Brose Bambergit dhe ashtu doli.
Nënkampioni i Euroleagues, Feneri, gjatë lojës tentoi ta ngrit epërsinë por Brose Bambergi nuk e lejoi këtë dhe shkaktoi probleme skuadrës turke deri në sekondat e fundit, ku ndeshja megjithatë përfundoi me rezultat të ngushtë në favor të Fenerbahçes, 67-66.
Bogdan Bogdanovic, shkëlqeu me 18 pikë të shënuara te Feneri, derisa u ndihmua edhe nga Jan Vesely, Pero Antic e Ekpe Udoh me nga 10 pikë secili, ndërsa në anën tjetër më i miri ishte Darius Miller me 17 pikë, por të pa mjaftueshëm për fitore.
Kjo ishte fitorja e 22-të me radhë për kanarinat e Stamobollit, në shtëpinë e tyre Fenerbahce Ulker Arena.
