Mijovic: Luajtëm shumë keq

Trajneri i ri i Sigal Prishtinës, Petar Mijovic, ende nuk ka shijuar fitoren me ekipin e tij të ri në ndeshje zyrtare.

Sigal Prishtina u mposht në start të ligës ballkanike nga Beroe dje në Bullgari, ndërsa Mijovic përgjegjësinë e ka marrë mbi supet e tij.

“Kemi luajtur shumë keq në këtë ndeshje. E dinim se Beroe është ekip i mirë që ka lojtarë cilësor si te të huajt si te vendorët. Me të vërtetë nuk kam pritur të luajmë aq keq në këtë ndeshje. E marr përgjegjësinë për këtë lojë dhe shpresoj të mos përsëritet në ndeshjet tjera,” ka thënë Mijovic për faqen zyrtare të BIBL.

Sigal Prishtina ka pësuar dy humbje brenda 4 ditëve. Të parën nga Bashkimi në Superligë, ndërsa të dytën nga Beroe në Balkan League.