ALEKS TODOROV
Foto: balkanleague.net
Todorov: S’jam i lumtur me lojën
13 October, 2016 @12:10
Trajneri maqedon i Pejës, Aleksandar Todorov, pas fitores ndaj Feni Industries ka thënë se nuk është edhe aq i kënaqur me lojën e treguar të ekipit, përkundër se fituan.
“E di se gjëja më e rëndësishme është rezultati final, por nuk jam shumë i lumtur me këtë lojë. Kemi bërë disa gabime që do të mund të na kushtonin shumë. Sidoqoftë, besoj se në ndeshjet e radhës do të bëhemi edhe më të mirë,” ka thënë Todorov për faqen zyrtare të BIBL.
Peja ka nisur me fitore si në Superligë ashtu edhe në BIBL. Verdhezinjtë janë ekipi i vetëm i Kosovës që ka shënuar fitore në xhiron e parë të ligës ballkanike.
