Fitorja e Handzicit

Qendra 33 vjeçare e Trepçës, Fikret Handzic, ka ndezur motorët e tij dje në ndeshjen që mitrovicasit e fituan ndaj Kastriotit, pas vazhdimeve. 

Handzic ka pasur statistikat më të mira të stinorit individualisht, në Superligë, me paraqitjen e djeshme të tij që ka ngritur përsëri ekipin e tij në vendin e tretë të tabelës së klasifikimit pas fitores. 

23 pikë, 14 kërcime dhe 3 asistime të Handzicit, kanë qenë vendimtare për ekipin e udhëhequr nga Israel Martin që arriti fitoren e 12-të të stinorit. 

Kjo është ndeshja e dytë me radhë që Trepça e fiton pas vazhdimeve. Xhiron e kaluar ata hoqën të zitë e ullirit në ndeshje me Besën e Pejës, që u mposht vetëm pas dy vazhdimeve! 

Koshashënues më i mirë i takimit ka qenë organizatori i Kastriotit, Bryce Cartwright, me 31 pikë të shënuara, derisa spanjolli i mitrovicasve, Alvaro Calvo, shënoi 29 pikë dhe 13 kërcime duke qenë më i miri te Trepça. 

Me lojën e shfaqur dje, Kastrioti, përkundër se i fundit në renditjen tabelare, ka vërtetuar se mund të mposht çdo skuadër nga pozita 3 në renditje e mëposhtë. Në anën tjetër, Handzic u ka treguar të gjithëve se ende mund të llogaritet te ai - dhe atë kur më së shumti duhet.

Rezultatet dhe tabela aktuale.

Statistikat ekipore:

	Trepça	Kastrioti
Çereku i parë	24	20
Çereku i dytë	22	23
Çereku i tretë	19	20
Çereku i katërt	23	24
Vazhdimi 1	16	8
Kërcime	62	47
Asistime	28	11
Bllokada	4	-
Topa të vjedhur	3	-
Topa të humbur	4	9
Tentime për tre pikë	4/29	3/13
Tentime për dy pikë	33/69	28/78
Tentime nga gjuajtjet e lira	25/34	30/35

Statistikat individuale te Trepça:

1	Alvaro Calvo	29 pikë	13 kërcime	3 asistime
2	Fikret Handzic	23 pikë	14 kërcime	3 asistime
3	Samir Zekiqi	17 pikë	5 kërcime	2 asistime
4	Besnik Azemi	14 pikë	13 kërcime	2 asistime
5	Korab Prekazi	8 pikë	4 asistime	2 kërcime
6	Imer Tahiri	6 pikë	4 kërcime	2 asistime
7	Arian Tahiri	4 pikë	11 asistime	7 kërcime
8	Hekuran Binxhia	2 pikë	1 asistim

Statistikat individuale te Kastrioti:

1	Bryce Cartwright	31 pikë	9 kërcime	7 asistime
2	Dezahan Otis	23 pikë	9 kërcime	1 asistim
3	Kreshnik Juniku	17 pikë	15 kërcime	2 asistime
4	Kushtrim Hyda	17 pikë	3 kërcime
5	Visar Xhemajli	4 pikë	2 kërcime	1 asistim
6	Armend Jashari	3 pikë	9 kërcime