NË PLAY OFF
Bileta e fundit i takoi Atlantës
13 April, 2014 @10:56
Lajmi i keq për New Yorkun, erdhi dje nga Atlanta Hawks.
Këto dy skuadra ishin në luftë për vendin e tetët në Konferencën Lindore, për t’u kyçur në Play Off, ndërsa këtë e arriti Atlanta duke e mposhtur kampionin aktual Miami Heatin, me rezultat 98-85.
Jeff Teague ishte më i miri i shqiponjave me 25 pikë, 4 kërcime e 3 asistime, derisa u ndihmua edhe nga Louis Williams me 23 sosh, ndërsa në anën tjetër, LeBron James luajti me 27 pikë dhe Dwyane Wade me 24. Ky i fundit është rikthyer në skuadër pasi kishte munguar në nëntë ndeshjet e fundit për Miamin.
Skuadrat të cilat e siguruan Play Offin në Konferencën Lindore janë: Indiana Pacers, Miami Heat, Chicago Bulls, Toronto Raptors, Brooklyn Nets, Washington Wizards, Charlotte Bobcats dhe Atlanta Hawks.
