Fitorja e parë ndërkombëtare

Peja ia ka bërë sefte fitores në Balkan League sonte duke e mposhtur Craiovën rumune. Katërshja e pesëshes së parë ka shkëlqyer duke kryer punë me kohë e pejanët pritën fundit në rehati. 

Peja ka arritur që të shënojë fitoren e parë në ligën  ballkanike sonte duke e gëzuar publikun pejan të mbledhur në Karagaç. 

Ekipi i Daniel Lutzit është dalluar me mbrojtje shumë të mirë në ndeshje, ku Fred House ka qenë maestral, përkundër gishtit të lënduar. Peja ka arritur që të krijojë epërsi çerek pas çereku duke ngritur epërsinë edhe mbi 20 pikë në disa çaste. 

Sonte ka qenë edhe nata e Samir Shaptahovicit, i cili ka qenë jashtëzakonisht i saktë duke shënuar 77% të gjuajtjeve nga zona e 67% për tre pikë. Samiri ka shënuar 24 pikë, duke pasur edhe efiçencën më të lartë në ndeshje të kuotës 25. 

Rumunët kanë dështuar që të arrijnë më shumë në tre çerekët e parë, pasi që tentimet e tyre nga distanca të shumtën e herave nuk kanë qenë të sakta. Craiova ka arritur simbolikisht të jetë më e mirë se Peja vetëm në çerekun e fundit, kur Peja faktikisht kishte siguruar fitoren. 

Houseit dhe Shaptahovicit, sonte jashtëzakonshëm i kanë ndihmuar edhe dyshja Drilon Hajrizi e Gerti Shima që kanë shënuar së bashku 28 pikë.

Te ekipi humbës, vetëm amerikani Travis Bureau dhe Bogdan Popescu kanë arritur që të shënojnë pikë dyshifrore duke vërtetuar krizën në pikë të ekipit rumun që regjistroi humbjen e katërt në ligën ballkanike. 

Peja, përkundër fitores ende është e fundit në tabelë të klasifikimit, mirëpo ka një ndeshje më pak të zhvilluar se disa nga kundërshtarët. 

Rezultatet dhe tabela aktuale.

Statistikat ekipore

	Peja	Craiova
Çereku i parë	19	12
Çereku i dytë	22	16
Çereku i tretë	24	18
Çereku i katërt	15	19
Kërcime	34	24
Asistime	17	14
Bllokada	3	1
Topa të vjedhur	7	6
Topa të humbur	20	11
Tentime për tre pikë	11/22	4/23
Tentime për dy pikë	16/28	20/40
Tentime nga gjuajtjet e lira	15/22	13/21

Statistikat individuale te Peja

1	Samir Shaptahovic	24 pikë	3 kërcime	2 asistime
2	Fred House	18 pikë	6 kërcime	1 asistim
3	Drilon Hajrizi	15 pikë	4 asistime	3 kërcime
4	Gerti Shima	13 pikë	6 kërcime	5 asistime
5	George Odufuwa	6 pikë	7 kërcime	1 bllokadë
6	Fahri Breca	3 pikë	4 asistime	3 kërcime
7	Teo Simovic	1 pikë	6 kërcime	1 asistim

Statistikat individuale te Craiova

1	Travis Bureau	19 pikë	4 kërcime	1 asistim
2	Bogdan Popescu	13 pikë	5 kërcime	1 asistim
3	Sten Sokk	8 pikë	2 kërcime	1 asistim
4	Le Var Cortez Seals	7 pikë	3 kërcime	2 asistime
5	Reinar Hallik	6 pikë	1 kërcim
6	Mirko Kovac	5 pikë	4 kërcime	2 asistime
7	Sasha Topchov	4 pikë
8	Andrei Capusan	2 pikë	1 kërcim
9	Viorel Mocanu	1 pikë	2 kërcime	1 asistim