Foda zbardh listën e të ftuarve për nëntor

Përzgjedhësi i Kombëtares së Kosovës, Franco Foda e ka bërë publike listën e futbollistëve të ftuar për dy ndeshjet e fundit të Ligës së Kombeve, që zhvillohen gjatë këtij muaji.

Pas mungesës në grumbullimin e kaluar për shkak të lëndimit ekipit i bashkohet sulmuesi i Mallorca-s, Vedat Muriqi, derisa pas një kohe të gjatë rikthehet edhe Bersant Celina. Ndërkohë, prurja e re e këtij grumbullimi është Baton Zabërgja, futbollist i Dinamo Cityt.

Ndeshjen e parë Dardanët e zhvillojnë si mysafirë më 15 nëntor në Bukuresht kundër Rumanisë, në orën 20:45, derisa tri ditë më pas luajnë kundër Lituanisë në stadiumin ‘Fadil Vokrri’.

Përzgjedhësi Foda, të hënën, do të paraqitet në konferencë për media në orën 12:00, në hotel ‘Emerald’, derisa stërvitja e parë do të zhvillohet në orën 17:00, në stadiumin “Fadil Vokrri”.

Dardanët aktualisht janë në pozitën e dytë në Grupin 2 të Ligës C, me 9 pikë, derisa Rumania kryeson me 12 pikë.

FUTBOLLISTËT REZERVË, PËR FTESË:

Portierë: Ilir Avdyli; Mustafë Avdyli;

Mbrojtës: Lirim Kastrati, Mirlind Kryeziu;

Mesfushorë: Leard Sadriu, Art Smakaj, Altin Zeqiri;

Sulmues: Drilon Hazrollaj, Astrit Selmani, Muhamet Hyseni.

FTESAT PRIMARE —  LISTA E FRANCO FODËS

Portierë: Arijanet Muric, Amir Saipi, Visar Bekaj.

Mbrojtës: Mërgim Vojvoda, Florent Hadërgjonaj, Amir Rrahmani, Ilir Krasniqi, Lumbardh Dellova, Fidan Aliti, Leart Paqarada, Donat Rrudhani, Andi Hoti.

Mesfushorë: Valon Berisha, Elvis Rexhbeçaj, Lindon Emërllahu, Florent Muslija, Muharrem Jashari, Baton Zabërgja, Milot Rashica, Edon Zhegrova, Bersant Celina.

Sulmues: Vedat Muriqi, Albion Rrahmani, Fisnik Asllani.