FSHB zgjedh kryetarin për mandat 4-vjeçar

Federata Shqiptare e Basketbollit ka zgjedhur kryetarin e saj aktual, Avni Ponari, edhe për 4 vite tjera udhëheqje të shtëpisë basketbollistike shqiptare.

Sot u mbajt Asambleja Zgjedhore e Federatës Shqiptare të Basktbollit, ku u konfirmua presidenca edhe për mandatin e ardhshëm t’i takojë Ponarit.

Ndër të tjera, Ponari ka thënë se besimi i dhënë ndaj tij do të shpërblehet me punë dhe angazhim maksimal sa i përket basketbollit shqiptar.

“Prioritetet tona janë zhvillimi i basketbollit, përafrimi i tij me basketbollin modern dhe rritja e konkurrencës në të gjitha disiplinat basketbollistike. Puna e përbashkët në shërbim të misionit dhe ambicieve, duhet të na udhëheq të gjithëve,” është thënë aty, ka shkruar FSHB në llogarinë e saj të Facebookut.