Fundjava me seminar të obligueshëm për trajnerë

Federata e Basketbollit e Kosovës ka bërë të ditur se këtë fundjavë, përkatësisht më 1 dhe 2 tetor, do të mbahet seminari për trajnerë.

Ky seminar do të jetë i obligueshëm për trajnerët të cilët dëshirojnë të licencohen nga FBK për të qenë të angazhuar në skuadra që garojnë në edicionin e ri 2016/17 në kuadër të FBK-së.

Ligjerues në seminar do të jenë Vladislav Luçiç, që do të ligjerojë për temat teknike, si dhe Aleskandar Lukman, ligjerues për përgatitje fizike.

Trajnerët të cilët nuk do të marrin pjesë në seminar nuk do të licencohen për edicionin 2016/17 nga ana e FBK-së.