Givova Scafati zyrtarizon Lawrence’in

Skuadra italiane që garon në ligën e dytë, Givova Scafati, ditë më parë ka zyrtarizuar në radhët e saja basketbollistin anglez të deritashëm të Sigal Prishtinës, Andrew Lawrence.

Përmes një komunikate për media në faqen zyrtare të ekipit, Givova Scafati ka bërë të ditur se ka arritur marrëveshje me britanikun 27 vjeç, që ka pasur mesatare prej 17 pikëve dhe 7.5 asistimeve në Superligë të Kosovës këtë stinor.

Scafati Basket 1969, garon në Ligën Perëndimore të Serie A2 dhe aktualisht ka bilanc 6-4. Lawrence pritet të debutojë këtë fundjavë me ekipin e tij të ri, ndaj Cuore Napolit, në ndeshjen që luhet më 17 dhjetor.

Pas eliminimit të Sigal Prishtinës nga garat europiane, ekipin e kanë lëshuar Dardan Berisha, Andrew Lawrence, Lis Shoshi dhe Drilon Hajrizi. Këta dy të fundit pritet të zyrtarizohen së shpejti nga ekipet e reja të tyre.