Golden State fiton gjysmëfinalen e parë

Edhe pse në mungesë të Steph Curryt, Golden State Warriors e fituan pa problem ndaj Portlandit në ndeshjen e parë të serisë gjysmëfinale së Konferencës Perëndimore. Të udhëhequr nga Klay Thompson dhe Draymond Green, Warriors pothuajse ishin në epërsi gjatë gjithë takimit dhe fituesi ishte lehtë të parashikohej që nga fillimi.

Thompson shënoi 37 pikë dhe gjithashtu pati 5 kërcime e 5 asistime. Paraqitje fenomenale pati edhe Draymond Green me triple-double prej 23 pikëve, 13 kërcimeve e 11 asistimeve. Për Portlandin më i dalluari ishte Lillard me 30 pikë e 5 asistime, por kjo nuk i mjaftoi skuadrës së tij sonte.

Ndeshja e dytë zhvillohet të mërkurën, ndërsa në finalen e Perëndimit fituesi i kësaj serie pret fituesin e duelit Oklahoma vs. San Antonio Spurs.

SKEMA PLAY OFF