Goudelock me 34 pikë ndaj Bayernit

Fenerbahçe ka arritur të mposht Bayern Munchenin si mysafir sonte, për të arritur fitoren e tretë në Grupin C të Euroleague dhe për të përmirësuar bilancin në 3-2. 

Te ekipi nga Stambolli, i pakapshëm është treguar amerikani Andrew Goudelock, që ka shënuar 34 pikë në fitoren e Kanarinave 93-86 në Gjermani (Bayern-Fenerbahçe sipas çerekëve: 22-19, 22-31, 16-19 dhe 26-24).

Atij i ndihmuan edhe dyshja Nemanja Bjelica dhe Bogdan Bogdanovic, me 12 përkatësisht, 18 pikë të shënuara. 

I riu me origjinë kosovare Kenan Spahi ka qenë gjithashtu pjesëmarrës në këtë fitore të Fenerbahçes duke qëndruar mbi 10 minuta në lojë. 

Te ekipi gjerman, përkundër se pesë lojtarë kanë shënuar pikë dyshifrore, fitorja nuk erdhi assesi. Nihad Djedovic dhe Vasilije Micic kanë qenë koshashënuesit më të mirë të Bayernit me nga 16 pikë të shënuara secili. 

Bayern ka bilanc 1-4 pas 5 ndeshjeve të para në Grupin C dhe është i renditur në fund të tabelës. 

#hatmakers: @rhsmooth03 monster block over @NihadDjedovic , presented by @NewEraEurope http://t.co/Q08Xmq1j75

— EuroleagueBasketball (@Euroleague) November 13, 2014

Rezultatet në Euroleague sonte:

FAKT