Dzhukev largohet nga Trepça

Listës së të larguarve pas ciklit të parë të kampionatit i është shtuar edhe një basketbollist i huaj.

Pas largimeve të basketbollistëve të huaj nga skuadrat e Bashkimit, Pejës dhe Vëllaznimit, së fundi në mënyrë të njëjtë ka vepruar edhe skuadra e Trepçës, e cila ka larguar nga skuadra qendrën bullgare Yanko Dzhukev.

Arsyeja e largimit të Dzhukevit nga xehetarët është pakënaqësia e drejtuesve të klubit mitrovicas me paraqitjet e basketbollistit, raporton e përditshmja sportive, Arena.

Dzhukev në gjashtë ndeshje me Trepçën ka pasur mesatarisht 4.0 pikë ddhe 4.7 kërcime për ndeshje.

Me largimin e tij, në ekipin mitrovicas mbeten tre basketbollistë të huaj, Marquiz Baker, Anthony Thompson dhe Ken Brown. Ky i fundit është zgjedhur basketbollisti më i mirë i javës që e lëmë pas.