Brown i Trepçës, prapë më i miri

Ken Brown, po tregohet si njëri ndër përforcimet më të suksesshme në këtë stinor të Superligës. 

Playmakeri i Trepçës ka arritur përsëri të dalë i pari në TOP 10-shen e basketbollistëve më të mirë të javës, kësaj here në xhiron e shtatë të Superligës. 

Brown, 25 vjeç, ka regjistruar double-double në ndeshjen e fundit të Trepçës, për të mposhtur Yllin e papërshtatshëm. Ai ka shënuar 27 pikë dhe ka ndihmuar me 14 asistime skuadrën e Ilir Selmanit në fitoren e pestë të stinorit. 

Ndeshja e fundit e Trepçës dhe performanca e Ken Brown

Në vendin e dytë, menjëherë pas Brownit, vjen pozita e njejtë e lojtarit, por nga Peja. Slloveni Jan Mocnik ka mahnitur në paraqitjen e tij të fundit në Superligë, kur Peja mposhti Bashkimin, në atë që do të duhej të ishte derbi i vërtetë. 

Ndeshja e fundit e Pejës dhe performanca e Jan Mocnik

Mocnik ka arritur gjithashtu double-double impresiv duke shënuar 25 pikë dhe 12 asistime në këtë ndeshje. 

I treti me radhë vjen playi i Vëllaznimit, boshnjaku Dino Hodzic. Djaloshi 24 vjeç nga Zenica po mban barrën kryesore të ekipit të Jeton Nixhës këtë stinor dhe këtë po e dëshmon edhe me performancat e tija ndeshje pas ndeshjeje. 21 pikë e 12 kërcime bashkë me 7 asistime në humbjen e ngushtë ndaj Besës. 

Ndeshja e fundit e Vëllaznimit dhe performanca e Dino Hodzic

Të tjerët sipas radhës në dhjetëshen më të mirë janë: Anthony Thompson, Spencer Dixon, Samir Shaptahovic, Blerim Mazreku, Edmond Azemi, Shawntez Patterson dhe Gerti Shima. 

Tabela aktuale

TOP 10 performancat e xhiros VII në Superligë: