Edhe Peja largon Marojevicin

Vëllezërve malazias, Marojevic, kjo javë nuk do t’iu kujtohet për të mirë. 

Së pari, qendra e Bashkimit, Dragomir Marojevic, u lirua nga ekipi prizrenas për shkak të pakënaqësisë me lojën e tij. 

Së dyti, vëllau binjak i tij që luante për Pejën, Radomir, u largua nga Peja. 

“Me marrëveshje të dyanshme klubi dhe lojtari Radomir Marojevic kanë shkëputur kontratën. Ne si klub i dëshirojmë fat dhe sukses në karrierën e tij të mëtutjeshme dhe e falenderojmë për korrektësi dhe kontributin e tij gjatë qëndrimit në klubin tonë,” shkruan në njoftimin e botuar të klubit pejan lidhur me lirimin e lojtarit në fjalë. 

Asnjëri nga vëllezërit nuk ka arritur të impresionojë me angazhimet e tyre në ciklin e parë të Superligës, prej 7 ndeshjeve dhe me këtë janë përshëndetur nga basketbolli kosovar.