Graniti shpëton Bashkimin

Pika e shënuar në sekondat e fundit pas faulit të fituar të Granit Rugovës ka qenë vendimtare sonte në fitoren e ekipit portokallezi ndaj Trepçës. 

Pas pikës së Granitit, Bashkimi kaloi 4 pikë në epërsi, e në akcionin e fundit Kenny Rhymes i Trepçës shënoi tresh, por nuk kishte kohë për më shumë. 

Çereku i parë i ndeshjes përfundoi me barazim 19-19. Pastaj në çerekun e dytë doli në epërsi Bashkimi, që luante në Prizren në cilësinë e mysafirit. E pjesa e parë përfundoi me rezultat 31-35. 

TABELA AKTUALE E SUPERLIGËS

Bashkimi kishte epërsi të lehtë edhe gjatë çerekut të tretë, por në fund të ndeshjes mitrovicasit u këndellen dhe arritën të rrezikojnë krejtësisht ekipin prizrenas që vuri në zjarr epërsinë 8 pikëshe 1.5 minuta para fundit dhe 6 pikëshe 30 sekonda para fundit. 

Sidoqoftë, në fund Bashkimi falenderoi edhe njëherë Trepçën për mundësinë e dhënë. Ndeshja e sontme u zhvillua në Prizren me kërkesë të ekipit prizrenas për shkak të udhëtimit në Bullgari për ndeshjen e BIBL. Trepça luajti në Prizren në cilësinë e vendasit. 

Lojtari më efikas te Bashkimi ka qenë si zakonisht Marcel Jones. Jones ka përfunduar ndeshjen me double-double prej 32 pikëve dhe 11 kërcimeve. Pikë dyshifrore shënuan edhe Theron Bussey, 19 dhe Endrit Hysenagolli, 12. 

Te Trepça më efikasi ka qenë Rhymes me 23 pikë i ndjekur nga Artin Gashi, me double-double prej 21 pikëve dhe 11 kërcimeve, derisa edhe Korab Prekazi shënoi 14 e Petar Zivkovic 11 të tjera në ndeshjen tejet interesante të natës dhe derbin e xhiros. 

Pas kësaj përballjeje, Bashkimi ka bilanc 11-5, ndërsa Trepça 8-8.

Statistikat ekipore

	Trepça	Bashkimi
Çereku i parë	19	19
Çereku i dytë	12	16
Çereku i tretë	21	28
Çereku i katërt	34	24
Kërcime	42	33
Asistime	13	16
Bllokada	1	2
Topa të vjedhur	7	11
Topa të humbur	20	14
Tentime për tre pikë	5/17	5/19
Tentime nga loja	29/67	27/59
Tentime nga gjuajtjet e lirë	23/29	28/39

Statistikat individuale te Trepça

1	Kenny Rhymes	23 pikë	6 kërcime	2 asistime
2	Artin Gashi	21 pikë	11 kërcime	3 asistime
3	Korab Prekazi	14 pikë	2 kërcime	1 asistim
4	Petar Zivkovic	11 pikë	2 asistime	1 kërcim
5	Besnik Azemi	9 pikë	6 kërcime	3 topa të vjedhura
6	Arian Mehmeti	5 pikë	6 kërcime	2 asistime
7	Vladan Jocovic	3 pikë	1 kërcim	-

Statistikat individuale te Bashkimi

1	Marcel Jones	32 pikë	11 kërcime	3 topa të vjedhura
2	Theron Bussey	19 pikë	4 asistime	2 kërcime
3	Endrit Hysenagolli	12 pikë	7 kërcime	-
4	Tay Waller	8 pikë	4 kërcime	4 asistime
5	Granit Rugova	8 pikë	3 asistime	2 topa të vjedhura
6	Qëndrim Biraj	6 pikë	5 kërcime	2 asistime
7	Andi Shehu	2 pikë	-	-