HEBA
Greqia shpall kampionin, nga liga s’ka rënie!
21 May, 2020 @21:33
Federata e Basketbollit të Greqisë (HEBA) zyrtarisht ka mbyllur stinorin 2019/20 të basketbollit dhe pas asamblesë gjenerale të mbajtur sot ka votuar për të shpallë kampion Panathinaikosin, që ka qenë lider i stinorit aktual.
Panathinaikos që ishte me bilans 18-2 në vend të parë, ka marrë votat unanime për tu shpallë kampion, derisa ndjekësi i parë i tyre AEK ishte me bilans 16-4.
Sa i përket ekipeve të rrezikuara për rënie nga elita, është votuar që të mos ketë rënie, për shkak të pandemisë coronavirus.
Kjo do të thotë se dy ekipet e mëdha, që kanë qenë në zonë të rënies, kanë shpëtuar. Ekipet greke me traditë si Aris (6-14) dhe PAOK (5-15) kanë qenë të fundit në klasifikim dhe kështu kanë shpëtuar stinorin.