TOP 3 NGA DERBI I FUNDIT I SUPERLIGËS
Drilon Hajrizi gjatë nja akcioni të Pejës/ Foto: KB Peja Official
Hajrizi, ylli i derbit
15 November, 2015 @17:58
Basketbollisti i Pejës, Drilon Hajrizi, është lojtari i ndeshjes derbi të zhvilluar mbrëmë ndërmjet Pejës e Bashkimit në Karagaç bazuar në statistikat e ndeshjes.
Drilonit i kanë munguar vetëm 2 asistime për të arritur triple-double në këtë ndeshje pasi që ka përfunduar lojën me 19 pikë, 12 kërcime dhe 8 asistime për verdhezinjtë.
Lojtari 203 centimetra i gjatë nga Mitrovica ka pasur mesatare prej 83% nga gjuajtjet për tre pikë duke shënuar 5 prej 6 tentimeve të tija për tre pikë.
Pas tij, dy të tjerët që kanë arritur të zënë vend në TOP 3 të ndeshjes kanë qenë Alban Veseli i Pejës dhe Marcel Jones i Bashkimit.
TOP 3 nga derbi:
| 1 | Drilon HAJRIZI | PEJA | ||
| 2 | Alban VESELI | PEJA | ||
| 3 | Marcel JONES | BASHKIMI |
