Vëllaznimi fundos Kerasanin

Vëllaznimi nuk ka lejuar që të befasohet sonte në “Shani Nushi” të Gjakovës nga Kerasan Prishtina. Kuqezinjtë kanë arritur që të shënojnë fitoren e dytë të stinorit ndaj ekipit që po debuton në Superligë, Kerasan Prishtina. 

Vëllaznimi ka krijuar epërsi të mjaftueshme në pjesë të parë të lojës duke e përfundar 20 minutëshin e parë të ndeshjes me rezultat 47-30. 

Kjo epërsi i dha komoditet ekipit gjakovar në pjesë të dytë dhe përkundër se Kerasani u këndell pak, nuk arriti të bëj më shumë sesa të afroj në fund deri në 5 pikë 97-92, për të mbetur pa fitore në Superligë. 

Arian Qallaku ka qenë lojtari më i dalluar te Vëllaznimi duke shënuar double-double prej 23 pikëve dhe 11 asistimeve, ndërsa Blendi Matoshi ka kontribuuar me double-double më interesant prej 22 pikëve dhe 18 kërcimeve në këtë përballje për Vëllaznimin. 

TABELA AKTUALE E SUPERLIGËS

Pesë basketbollistë të Vëllaznimit kanë përfunduar ndeshjen me pikë dyshifrore ku përveç dyshes së përmendur këtë e kanë arritur edhe Gent Zeka 10, Driton Rraci 18 dhe Michael Leëis 13. 

Në anën tjetër, Kerasani që u dallua me lojë të mirë në pjesë të dytë e nuk arriti te fitorja ka pasur 4 lojtarë që përfunduan ndeshjen me pikë dyshifrore, derisa më i efikasi ka qenë Ardit Beqiri me 22, pastaj janë dalluar Qëndrim Ajazaj me 19, Etnik Peci me 17 dhe Egzon Gashi me 16 të tjera. 

Në fund, Vëllaznimi arrin fitoren e dytë të stinorit ndaj Kerasanit dhe të dytën në përgjithësi për ta fundosur edhe më ekipin në fjalë në tabelë. 

Statistikat ekipore

	Vëllaznimi	Kerasan Prishtina
Çereku i parë	25	14
Çereku i dytë	22	16
Çereku i tretë	25	26
Çereku i katërt	25	36
Kërcime	43	32
Asistime	23	12
Bllokada	3	0
Topa të vjedhur	14	3
Topa të humbur	4	15
Tentime për tre pikë	9/31 (29%)	4/16 (25%)
Tentime nga loja	39/80 (48%)	33/68 (48%)
Tentime nga gjuajtjet e lira	10/16 (62%)	22/32 (68%)

Statistikat individuale te Vëllaznimi

1	Arian Qallaku	23 pikë	11 asistime	4 kërcime
2	Blendi Matoshi	22 pikë	18 kërcime	1 asistim
3	Driton Rraci	18 pikë	7 kërcime	1 asistim
4	Michel Lewis	13 pikë	5 asistime	3 kërcime
5	Gent Zeka	10 pikë	5 kërcime	4 asistime
6	Sami Hajzeri	4 pikë	1 kërcim	1 asistim
7	Atik Koshi	3 pikë	-	-
8	Leutrim Berisha	2 pikë	5 kërcime	-
9	Kreshnik Avdija	2 pikë	-	-

Statistikat individuale te Kerasan Prishtina

1	Ardit Beqiri	22 pikë	3 kërcime	1 asistim
2	Qëndrim Ajazaj	19 pikë	8 kërcime	1 asistim
3	Etnik Peci	17 pikë	3 kërcime	2 asistime
4	Ermir Gashi	16 pikë	6 kërcime	3 asistime
5	Kreshnik Muçolli	8 pikë	2 kërcime	2 asistime
6	Dion Haxhosaj	5 pikë	2 kërcime	-
7	Muhamedali Janjeva	3 pikë	3 kërcime	1 asistim
8	Rinor Ahmeti	2 pikë	2 kërcime	1 asistim
9	Korab Muhadri	0 pikë	3 kërcime	1 asistim