Hampton në Ukrainë

Aloja amerikane që për një muaj qëndroi në Prishtinë duke veshur fanellën e RTV 21, Trey Hampton, ka kaluar në ekipin elit ukrainas të basketbollit, Kryvbas, bën të ditur sot Eurobasket. 

Hampton 203 centimetra i gjatë, është larguar nga ekipi pasi që Teleboysat kishin ndërruar trajnerin. RTV 21 ka zëvendësuar Adin Adinovicin me Arben Krasniqin në mes të stinorit, e ky i fundit kishte larguar Hamptonin që kishte mesatare prej 18.3 pikëve dhe 2 asistimeve për ndeshje me Teleboysat për aq sa kohë sa qëndroi në Kosovë. 

RTV 21 ka dëshpëruar me rezultate në pjesën e parë të këtij stinori, derisa priten ndryshime të mëdha në pjesën e dytë, pasi që kanë paralajmëruar ndërrime te të huajt.