GRUPI E
Huertas shuan Fenerin
9 January, 2014 @22:01
Ndeshja fenomenale në mes të Fenerbahçe Ulker dhe Barcelonës, përfundoi më fitoren e skuadrës spanjolle.
Që të dyja skuadrat luftuan për fitore, ku dhe emocionet deri në fund të ndeshjes ishin të pranishme. Por në çerekun e fundit, skuadra turke nuk arriti ta ndalë Marcelinho Huertasin dhe ndeshja përfundoi me rezultat 76-73 në favor të blaugranëve.
Marcelinho shkëlqeu me 23 pikë, 7 asistime e 4 topa të vjedhura, ndërsa në anën tjetër, 15 pikët e Nemanja Bjelicës dhe Melih Mahmutoglut, nuk mjaftuan për fitoren e parë të kanarinave në TOP 16.
Kosovari Kenan Sipahi, luajti gati 6 minuta, nuk arriti të shënoi pikë, por i rrëmbeu dy kërcime.
Barcelona me këtë fitore e regjistroi të dytën në Grupin E, ndërsa Fenerbahçe pësoi humbjen e dytë dhe nuk ka asnjë fitore ende në fazën e TOP 16 të Euroleague.
