PRIZRENI - TREPÇA
Trepça triumfon, humbja e katërt me radhë për Prizrenin
11 April, 2019 @20:21
Seria negative e ekipit debutues në Superligë po vazhdon. Prizreni ka regjistruar sonte edhe humbjen e katërt me radhë të stinorit duke shënuar edhe rekordin më negativ të tyre në elitë të basketbollit.
Me këtë humbje Prizreni tash mund të humb edhe pozitën e pestë në tabelë dhe do të mund të përfundoj si i gjashti, pasi që Trepça kryen stinorin me bilanc më të mirë të ndërsjellë, nëse kryejnë stinorin me pikë të barabarta.
Sonte Prizreni ka qenë vetëm në pjesën e parë më i mirë se Trepça, ndërsa në pjesë të dytë ekipi ra nga loja dhe tashmë ka shënuar humbjen e 15 të stinorit.
Në anën tjetër Trepça pret ngritje në tabelë dhe tashmë mitrovicasit me Samir Zekiqin që shënoi 30 pikë sonte, si dhe me Imer Tahirin me 17 pikë, 8 kërcime e 6 asistime shkuan te fitorja me rezultat 79-97.
Në xhiron e fundit Prizreni është mysafir i Prishtinës, ndërsa Trepça pret Bashkimin.
