I duhen edhe 100 pikë

Kobe Bryant, është duke kaluar stinorin e 17-të në NBA dhe po përgatitet të shtojë në karrierën e tij me plot rekorde një rekord të ri.

Ai në këtë karrierë të shkëlqyer, ka shënuar deri më tani 29’900 pikë dhe i duhen vetëm edhe 100 pikë për të arritur cakun e 30’000 pikëve. Këtë shifër deri më tani kanë arritur vetëm 4 lojtarë.

Në krye të listës gjendet Kareem Abdul Jaabar me 38’387 pikë, në vendin e dytë Karl Malone me 36’928, në vendin e tretë “i madhi” Michael Jordan me 32,292 pikë, ndërsa para Kobe-it është Wilt Chamberlain me 31’419.

Black Mamba në këtë stinor, i cili luajti në 15 ndeshje, arriti një mesatare prej 27,7 pikëve dhe pritet ta thejë këtë rekord në ndeshjen kundër Orlando Magicut me 2 dhjetor, ose me 4 dhjetor kundër Houston Rocketsit.