Isaiah Traylor te Rahoveci

Skuadra e Rahovecit, para pak çastesh ka zyrtarizuar të huajin e parë për stinorin 2020/21.

Isaiah Traylor është lojtari më i ri i Rahovecit. Ai është i gjatë 193 cm dhe luan në pozitën e fudorit, derisa së fundi ishte pjesë e skuadrës Lakehead në Kanada që luajti me mesatare prej 21.7 pikëve për ndeshje.

Rahoveci për këtë stinor e mbajti në skuadër kapitenin Bardh Rexha, Visar Ejupin e Alban Veselin, kurse e shtoi në skuadër Fisnik Junikun, Edmond Kryeziun e Sami Hajzerin, ndërsa në krye të skuadrës është trajneri Bujar Loci.