ISTOGU - MEGASPORTS
Istogu me një ndeshje më pak në TOP 3
25 November, 2020 @22:05
Ndeshja e fundit e ditës së sotme në xhiron e gjashtë në Ligën e Parë, ka përfunduar me fitoren e Istogut ndaj Megasportsit me rezultat 86-57.
Istogu e regjistroi fitoren e tretë rresht dhe me një ndeshje më pak është ngritur në pozitën e tretë.
Koshashënuesi më i mirë te Istogu ishte Labinot Kelmendi me 17 pikë, derisa u dallua edhe kapiteni Diamant Shabani me 15 pikë, 21 kërcime e 7 asistime.
Te Megasportsi u veçuan Ensar Muriqi me 17 pikë e 9 kërcime dhe Bleonis Tanushi me 12 pikë e 5 kërcime.
Istogu me 4 fitore e 1 humbje gjendet në pozitën e tretë, kurse Megasportsi ka bilanc prej 2 fitoreve e 4 humbjeve.
Në xhiron tjetër Istogu takohet me Marigona Hill Prishtinën, derisa Megasportsi e pret Vushtrrinë.
