PËRFORCIMI I RI
J. J. Mann, lojtar i ri i Prishtinës
31 August, 2017 @23:33
Sigal Prishtina me të njoftuar për ndarjen me lojtarin e saj të deritashëm, Seab Wester, pak më parë ka bërë të ditur se ka arritur marrëveshje me një amerikan tjetër.
J. J. Mann është basketbollist i ri i Sigal Prishtinës. Amerikani 198 centimetra i gjatë vjen nga liga belge, saktësisht ekipi Mons-Hainaut, ndërsa 26 vjeçari ka përvojë nga disa ekipe europiane si: Obervart në Austri, Phoenix Hagen në Gjermani dhe shquhet për shënime nga larg.
Prishtina tash është në fazën e ndeshjeve përgatitore dhe mbrëmë humbi miqësoren e parë nga Karpos Sokoli i Shkupit, kurse javën që vjen ka 2 ndeshje me Mornarin e Tivarit.
