GAME 1: LAKERS - MIAMI
James e Davis në skenë, Lakers fillon finalen me fitore
1 October, 2020 @11:29
Seria finale e NBA-së, filloi me fitoren e Los Angeles Lakersit kundër Miami Heatit.
Lakers e mposhti kundërshtarin me rezultat 116-98 dhe kaloi 1-0 në epërsi në seri.
Performanca fenomenale e dyshes Anthony Davis e LeBron James, ia lehtësoi punën Lakersave. Davis ishte koshashënuesi më i mirë i ndeshjes me 34 pikë, kurse LeBron Jamesi ishte shumë afër shifrave triple-double. Ai luajti me 25 pikë, 13 kërcime e 9 asistime.
Në anën tjetër më i miri te Miami ishte Jimmy Butler me 23 pikë e 5 kërcime, derisa në humbjen e Heatit ndikoi edhe performanca e dobët prej 8 pikëve e Bam Adebayos.
Ndeshja e dytë e serisë do të luhet më 3 tetor në ora 03:00.
