Jemi ekip kampion!

Njëri prej basketbollistëve më të dalluar të Pejës në ndeshjen e sontme ndaj Bashkimit, Gerti Shima, tha se ekipi i tij është kampion aktual dhe këtë e dëshmoi edhe sonte.

“Forca e Pejës dihet dhe kjo u pa edhe sonte. Jemi ekip kampion dhe këtë e treguam edhe sot, megjithëse ndeshja e parë gjithmonë është pak e vështirë sepse nuk dihet kundërshtari se sa është forcuar.”

“Bashkimi nuk ka pasur një fazë përgatitore shumë të mirë dhe kjo ndikoi që fituam me lehtësi të madhe,” tha Shima pas ndeshjes.

Skuadra pejane ka shënuar fitore me rezultat të thellë 52-91 ndaj Bashkimit në ndeshjen e parë kampionale që u luajt në Prizren.