KATEGORITË E REJA
Junior 06 në finale ndaj K. Prishtinës
23 May, 2021 @0:06
Basketbollistet e skuadrës Junior 06 nga Prizreni me fitore në ndeshjen vendimtare ndaj ekipit të Vushtrria Basket 59-52 kanë arritur të sigurojnë biletën për finale të PlayOffit të grumposhave U16 të femrave.
Janë dashur të zhvillohen tri ndeshje për tu përcaktuar finalistet, pasi që në përballjen e parë prizrenaset fituan 64-59, ndërsa në të dytën vushtrriaset fituan 57-45.
Vesa Krasniqi shënoi 19 pikë, ndërsa Yllza Uka dha 16 të tjera në fitoren e skuadrës së drejtuar nga Ramush Rushiti. Te Vushtrria më e dalluara ishte Melvina Haziri me 20 të shënuara, që ishte edhe më efikasja në takim.
Kështu me fitore 2-1 në seri, KBF Junior 06 do të ndeshet në serinë finale me Kerasan Prishtinën U16, ku do të përcaktohet edhe kampionja e kësaj kategorie.
