KTHEHET BEROE
Kampioni aplikon për BIBL 2017/18
25 August, 2017 @9:13
Kampionja e fundit e ligës ballkanike në basketboll, Beroe, së fundi ka aplikuar për të marrë pjesë në stinorin e dhjetë jubilar të kësaj gare, ka bërë të ditur faqja zyrtare e kësaj lige të enjten.
Beroe nga Bullgaria, që kishte mposhtur Kumanovën në finale të stinorit të kaluar, nuk e kishte në plan që të vazhdonte edhe një stinor pjesëmarrjen në BIBL duke u koncentruar në garat më prestigjioze të FIBA Europe, mirëpo siç po duket ka ndërruar mendje pak para mbylljes së numrit të ekipeve pjesëmarrëse.
Nga Kosova i vetmi klub që do të merr pjesë sivjet në BIBL është Bashkimi i Prizrenit, ndërsa nga Shqipëria, Tirana.
