Kampioni pa telashe shkon tutje

Ashtu edhe siç pritej, veçanërisht pas ndeshjes së parë në Romë, Bayern ssonte vetëm se ka vulosur kalimin në çerekfinale të Ligës së Kampionëve në rrugëtimin e tyre drejt mbrojtjes së titullit të mirit në Evropë.

Bayern ka mposhtur edhe në përballjen e kthimit Lazion, duke e mposhtur sonte 2-1 [Lewandowski 33p., Choupo-Moting 73 - Parolo 82] dhe me rezultat të përgjithshëm 6-2 ka ecur drejt tetëshes më të mirë të Evropës.

Lazio kishte startin e mirë dhe pati një rast me Sergej Milinkovic-Savicin, derisa Vedat Muriqi ishte prej minuntës së parë në lojë.

Muriqi shkaktoi penallti, derisa fauloi Leon Goretzkan gjatë një korneri, ku Bayern me super-sulmuesin e tyre, Robert Lewandowski shkoi te goli. Pa problem ai e shënoi të 39-tën e stinorit në të gjitha garat.

Më pas, zëvendësuesi i Lewës, Eric Choupo-Moting shënoi vetëm dy minuta pasi që u fut në lojë, ndërsa Lazio deri në fund shënoi vetëm golin e përshëndetjes nga gara përmes Marco Parolos, zëvendësues.