Kamza fiton edhe Superkupën e Shqipërisë

Në përballjen e ekipeve më të mira shqiptare Kamza ka trimfuar ndaj Vllaznisë së Shkodrës me 3 pikë dallim për të çuar në vitrina të klubit edhe Superkupën shqiptare.

Sonte nxënësit e trajnerit Adem Muhametaj kanë mposhtur Vllazninë e drejtuar nga Bledar Gjeçaj 67-64, pas një ndeshjeje tejet të ngushtë në dallim.

Vllaznia ka pasur epërsi kryesisht në pjesë të parë që shkonte deri në 5 pikë epërsi kurse në çerekun e tretë Kamza morri përparësinë për ta ruajtur 2-3 pikëshin shtesë deri në fund të takimit dhe për të triumfuar në fund.

Më efikasi te ekipi fitues sonte ka qenë Robert Shestani që ka shënuar 19 pikë e 5 kërcime, ndërsa pas tij pikë dyshifrore kanë shënuar edhe Juljan Hamati 14 pikë (12 kërcime), Endri Roshi 15 pikë si dhe Erkand Karaj 10 pikë, 7 kërcime e 5 asistime.

Te Vllaznia më të dalluar kanë qenë sonte Algert Gjonaj me 19 dhe Corey Deandrey Allen me 15 pikë të shënuara.

Në fund, kreu i FSHB-së, Avni Ponari, i dorëzoi trofeun kapitenit Karaj dhe festa nisi te të kaltërit nga paralagjja e Tiranës.

Statistikat ekipore

	Vllaznia	Kamza
Çereku i parë	15	10
Çereku i dytë	19	19
Çereku i tretë	15	24
Çereku i katërt	15	14
Kërcime	55	40
Asistime	8	12
Bllokada	0	1
Topa të vjedhur	5	6
Topa të humbur	17	10
Tentime për tre pikë	7/24	9/29
Tentime nga loja	24/68	23/68
Tentime nga gjuajtjet e lira	9/18	12/21

Statistikat individuale te Vllaznia

1	Algert Gjonaj	19 pikë	20 kërcime	1 asistim
2	Corey Deandrey Allen JR	15 pikë	7 kërcime	3 asistime
3	Ervin Berdica	10 pikë	3 kërcime	1 asistim
4	Nikolin Arra	9 pikë	3 kërcime	1 asistim
5	Herion Fazlija	6 pikë	9 kërcime	1 asistim
6	Nikola Djokovic	5 pikë	7 kërcime	1 asistim

Statistikat individuale te Kamza

1	Robert Shestani	19 pikë	5 kërcime	2 asistime
2	Endri Roshi	15 pikë	4 kërcime	-
3	Juljan Hamati	14 pikë	12 kërcime	2 asistime
4	Erkand Karaj	10 pikë	7 kërcime	5 asistime
5	Ennio Fjolla	5 pikë	4 kërcime	2 asistime
6	Fatjon Gjoka	3 pikë	1 kërcim	-
7	Fjorentin Bircaj	1 pikë	3 kërcime	2 topa të vjedhura