KUPA E KOSOVËS
KB Rahoveci pa probleme ndaj Lipjanit
8 December, 2016 @8:27
Skuadra e Rahovecit që është duke e përjetuar stinorin historik duke marrë pjesë në Superligë, mbrëmë ka mposhtur Lipjanin në xhiron e dytë të Kupës së Kosovës.
Rahoveci mposhti Lipjanin pa shumë telashe 95-66 në ndeshje si mysafir, ndërsa trajneri i vreshtarëve provoi edhe basketbollistë të rinj të skuadrës në këtë ndeshje si: Albion Metbala, Berat Mullabazi, Blerim Delibeqa e Yll Gashi.
Rahoveci bën pjesë në Grupin A të Kupës së Kosovës dhe tash i duhet të luaj me fituesin e ndeshjes Trepça-Kalaja për të shpresuar në Final Four të Kupës së Kosovës.
