PEJA - SUTJESKA
KB PEJA/ Korniza
Treshja në fund e Veselit, sjell fitoren për Pejën
7 December, 2016 @20:46
Skuadra e Pejës ka shënuar fitore shumë të rëndësishme sonte në Ligën Ballkanike, duke e mposhtur ekipin malazias, Sutjeska, me rezultat 76-74.
Verdhezinjtë u desh të luajnë 5 minuta shtesë për ta mposhtur kundërshtarin e sontëm, pasi që pjesa e rregullt e takimit kishte përfunduar me rezultat 64-64.
Sutjeska ishte më e mirë gjatë pjesës së parë të ndeshjes, duke pasur epërsinë kryesisht në të mirë të saj.
Por e gjitha ndryshoi në çerekun e tretë, kur Peja krijoi seri prej 12-0 dhe falë lojës efikase të Noah Dahlmanit në këtë periudhë, dhjetëminutëshin e fundit e priti me një pikë epërsi, 47-46, kur në sekondën e fundit Arti Hajdari shënoi për tri pikë.
Në çerekun e fundit Peja arriti ta thellojë epërsinë e saj, por pikërisht në momentet më vendimtare ajo u shkri dhe mysafirët arritën ta barazojnë rezultatin për të shkuar në vazhdime.
E në vazhdime fjalën kryesore e tha Alban Veseli, i cili vetëm 2.3 sekonda pa mbaruar ndeshja shënoi treshe për rezultatin përfundimtar 76-74.
Veseli ishte koshashënuesi më i mirë në fitoren e Pejës, duke luajtur me 21 pikë, derisa pati edhe 11 kërcime, kurse kontribut të rëndësishëm dhanë edhe Dahlman, Reed dhe Rundles.
Në anën tjetër, për Sutjeskan u dallua Jermayne Thomas që luajti me 15 pikë.
PEJA
| 1 | Alban Veseli (39:45) | 21 pikë | 11 kërcime | 2 asistime |
| 2 | Noah Dahlman (37:49) | 16 pikë | 8 kërcime | 2 asistime |
| 3 | LaMarcus Reed (41:47) | 13 pikë | 13 kërcime | 2 asistime |
| 4 | Cameron Rundles (41:38) | 13 pikë | 5 kërcime | 9 asistime |
| 5 | Arti Hajdari (24:53) | 6 pikë | 2 kërcime | - |
| 6 | Maxym Ivshyn (11:57) | 5 pikë | 3 kërcime | - |
| 7 | Mirza Ahmetbasic (22:59) | 2 pikë | 5 kërcime | 5 asistime |
| 8 | Leonard Mekaj (4:07) | 0 pikë | 1 kërcim | 1 asistim |
| 9 | Blendi Kadusha | - | - | - |
| 10 | Egzon Kuçi | - | - | - |
| 11 | Mirza Muric | - | - | - |
| 12 | Jamie Skeen | - | - | - |
SUTJESKA
| 1 | Jermayne Thomas (28:36) | 15 pikë | 2 kërcime | 3 asistime |
| 2 | Jayon James (32:42) | 13 pikë | 3 asistime | - |
| 3 | Goran Gajovic (42:55) | 12 pikë | 13 kërcime | 7 asistime |
| 4 | Marko Djurkovic (32:33) | 11 pikë | 7 kërcime | - |
| 5 | Marko Perovic (37:37) | 11 pikë | 5 kërcime | 1 asistim |
| 6 | Nikola Djokovic (19:53) | 5 pikë | 5 kërcime | 4 asistime |
| 7 | Nikola Lalic (16:23) | 3 pikë | 3 kërcime | 2 asistime |
| 8 | Milos Vujovic (9:25) | 2 pikë | 1 kërcim | - |
| 9 | Zdravko Boskovic (4:52) | 2 pikë | - | - |
| 10 | Nikola Vukovic | - | - | - |
| 11 | Djoko Salic | - | - | - |
