PRISHTINA vs TEODO
Dramë në fund, Prishtina fiton në vazhdime
6 December, 2016 @20:18
FUNDI I NDESHJES
Tre treshe të shënuara në 2 minutat e fundit të ndeshjes sollën Prishtinën para ngushtimit të rezultatit 86-88, ndërsa minuta më parë rezultati ishte 71-82 për mysafirët nga Mali i Zi.
Dramën 30 sekonda para fundit të ndeshjes e ndezi tërësisht kapiteni Edmond Azemi, duke barazuar 88-88, për të çuar ndeshjen në vazhdime.
E në fund, në kohën shtesë, pak me faulime taktike, pak me precizitetin e Jabarie Hindsit, që ka qenë i vetmi që shënoi nga loja për bardhekaltërit, Prishtina arriti te fitorja e dytë në Grupin B të BIBL.
Ish-lojtari i Prishtinës, Nikola Vucurovic, dështoi të shënojë për 3 pikë në sekondat e fundit të ndeshjes, kur ishte 96-93 për Prishtinën, ndërsa Granit Rugova nga gjuajtjet e lira i dha fund ndeshjes, duke shënuar për 98-93 përfundimtare.
ÇEREK PAS ÇEREKU
Prishtina e nisi mirë çerekun e parë 29-25, ndërsa ndeshja kaloi baraz në çerekun e dytë 25-25.
Në çerekun e tretë Teodoja morri epërsinë e lehtë kur e ftoi këtë dhjetëminutësh 17-23. Kjo bëri që ndeshja të bëhet luftë deri në fund për përfundimtaren 88-88, që çoi ndeshjen në vazhdime.
BASKETBOLLISTËT
MJ Rhett ka përfunduar ndeshjen me double-double, duke shënuar 20 pikë dhe 12 kërcime. Jabarie Hinds ka qenë më efikasi me 23 pikë, 4 asistime e 4 kërcime, ndërsa Fisnik Rugova kontribuoi me 14 pikë e 7 kërcime.
Te Teodo, që luftoi pandërprerë më efikasi ka qenë veterani Nikola Vucurovic me 26 pikë të shënuara, ndërsa Radomir Marojevic shëoni 20 pikë të tjera.
Sigal Prishtina
| 1 | Jabarie Hinds (39:16) | 23 pikë | 4 kërcime | 4 asistime |
| 2 | Malcolm Rhett (45:00) | 20 pikë | 12 kërcime | 2 bllokada |
| 3 | Fisnik Rugova (35:46) | 14 pikë | 7 kërcime | 2 asistime |
| 4 | Drilon Hajrizi (36:01) | 13 pikë | 6 kërcime | 4 asistime |
| 5 | Granit Rugova (19:43) | 10 pikë | 1 kërcim | - |
| 6 | Andrew Lawrence (21:34) | 9 pikë | 6 kërcime | 4 topa të vjedhur |
| 7 | Edmond Azemi (22:18) | 7 pikë | 3 kërcime | 2 asistime |
| 8 | Marcel Jones (5:18) | 2 pikë | - | - |
| 9 | Rinor Peci | - | - | - |
| 10 | Liron Hyseni | - | - | - |
Teodo
| 1 | Nikola Vucurovic (34:41) | 26 pikë | 4 kërcime | 3 topa të vjedhur |
| 2 | Radomir Marojevic (34:18) | 20 pikë | 6 kërcime | 1 top të vjedhur |
| 3 | Petar Kusovac (33:12) | 18 pikë | 8 kërcime | 1 asistim |
| 4 | Milan Stanojevic (34:14) | 9 pikë | 6 kërcime | 3 asistime |
| 5 | Milos Popovic (13:33) | 8 pikë | 3 kërcime | - |
| 6 | Milos Djurisic (39:30) | 7 pikë | 3 kërcime | 3 asistime |
| 7 | Stefan Sajin (22:29) | 5 pikë | 3 asistime | 2 kërcime |
| 8 | Miroslav Damjanovic (12:59) | 0 pikë | 4 asistime | 3 kërcime |
